ئاكۆ شێخ موحەمەد
ئۆپۆزسیۆن لەکوردوستان لەگەڵ دەسەڵات لەکێشمە کێشێکی تەواودایە..ئەوەی جێی سەرنجە دەسەڵات بەهەمو هێزو توانایەوە هەوڵ دەدات هەمو جومگەحەساسەکان قۆرخ بکات و زۆر باشیش سەرکەوتو بووە تیایا.لەبەرامبەردا ئۆپۆزسیۆن هەر خەریکی ناوخۆیەتی و بە عەیب و عاری یەکەوە خەریکبوون تاڕادەیەک ئێستاش بەردەوامن ، هەربۆیە دەسەڵات زۆر بەئاسانی توانیویەتی هەمو مەرامەکانی خۆی بەدەستبهێنێت و ئۆپۆزسیۆنیش پەرت پەرت بکات لەوێستگەکانی ڕابووردو دا و ئێستاش خەریکە درزیان تێدەکەوێت و لاواز دەبنەوە..ئەوەتا لەم مەسەلەی هەڵبژاردنەدا ناتوانن بڕیارێکی ئازایانەو چاونەترسانە بدەن و هەنگاوێک بۆ پێشەوەو هەنگاوێکیان بۆ دواوەیەو هەمویان چاوەڕێی ئەحداسەکانن و ئەیانەوێت خۆیان بەیەکێکی ترا هەڵبوسن و ناتوانن بڕیارێک بدەن. بەڕێزان لایەنە ئۆپۆزسیۆنەکان: ئێوە گوێی ئێمەتان پڕکردووە لەوەی کە زوڵمتان لێکراوەو دەنگەکانتان دزراوەو فێڵ و گزیتان لێکراوە ، ئەوا ئێمە باوەڕمان کرد و قەناعەتمان هێنا ، دەی مەعز بۆ ڕەزای خوا ئەم زوڵمەی کە کراوە یەکەمجار لە ئێمەیەو پاشان لە ئێوە، وەئێمەش ڕیشی خۆمان یاوەتە دەستی ئێوە . تکاتان لێدەکەین کە هەروەک قازو قوڵنگ مەبن و مەنەلۆک مەکەن و هەر لەناوخوتاناو بەگوێی ئێمەیا مەیەن..ئەگتر ڕاستەکەن وەرنە مەیدان و شانی لێبدەنە بەرو چاکی مەردانەی لێبکەن بەلاداو هەمو ڕێگاکان بگرنە بەرو ڕوو لەهەمو جێیەک بکەن و بەدایەلۆک لەگەڵ بەرامبەرتانابدوێن .. ئەگەر ئەڵێن دەنگمان ناگاتە هیچ شوێن وکەس گوێمان لێناگرێت ئەوا وەک ووتراوە عوزر لە قەباحەت خراپترە و تکایە بەئاشکرا پێمان بڵێن کەناتوانین دیفاعتان لێبکەین و مافەکانتان وەربگرینەوە، ئەوەیشی کە دەیڵێین تەنها مەنەلۆکەو بۆتەنفیسی ئەو ناڕەحەتییەی ئێوەیە، با ئێمەش بیرلە ڕێگاچارەیکی تر بکەینەوە ،، ئیعترافکردن گەورەییە..