ستاندەر
رۆژنامەی (عەرەبی جەدید) لەسەر زاری یەکێک لەو دادوەرانەی کە بۆ جێگرتنەوەی کۆمسیاران دانراون بڵاویکردۆتەوە بە مەبەستی ئەنجامدانی پرۆسەی ھەژمارکردنەوەی دەستی دەنگەکان دە ھەزار کەس ڕادەسپێردرێن کە فەرمانبەری دادگاکان و وەزارەتی پەروەردە و دەستەی نەزاھە و دیوانی چاودێری دارایی دەبن و، پرۆسەکە لە بارەگای سەرەکی کۆمسیۆن لە بەغدا ئەنجام دەدرێت.
رۆژنامەکە ئەوەشی بڵاوکردۆتەوە پرۆسەی ھەژمارکردنەوەی دەنگەکان ھەفتەیەک تا دە رۆژ دەخەیەنێت و رۆژی چوار شەممە یاخود پێنج شەممە دەست پێدەکات و، دوبارە وردبینی بۆ زیاتر لە ١٠ ملیۆن وەرەقەی دەنگدان دەکرێت.
راشیگەیاندوە لە پرۆسەکە رێگری لە نوێنەری لایەنە سیاسیەکان و رێکخراوەکان دەکرێت دەستێوەردان بکەن بەڵام دەرفەت دەدرێتە نەتەوەیەکگرتوەکان چاودێری پرۆسەکە بکات.
بریاریشە سەرۆکی دادگای بەشێک لە پارێزگاکان بەرپرسیاریەتی بەرپرسی ئۆفیسەکانی کۆمسیۆن لە پارێزگاکان وەرگرن.
وردەکاری ھەژمارکردنەوەی دەستی دەنگەکان و ماوەکەی ئاشکرادەبێت ستاندەر بڵاویدەکاتەوە
