ستاندەر
دوای کۆبونەوەی ئەمرۆی جڤاتی نیشتیمانی گۆڕان ئەمڕۆ بۆ گفتوگۆکردن لە بارەی شێوازی بەشداریکردنی گۆڕان لە ھەڵبژاردنی پەرلەمانی کوردستان ھۆشیار عومەر، ئەندامی جڤاتی نیشتیمانی لە کۆنگرەیەکی رۆژنامەوانی رایگەیاند، لە کۆبوونەوەکەدا جڤاتی نیشتیمانی تەئکیدی لەوە کردەوە بۆ بەدیھێنانی ئامانجەکانی بزوتنەوەی گۆڕان، بەردەوام دەبن لە تێکۆشان لەسەر بنەمای پرەنسیپەکانی خۆی.
وتیشی “گۆڕان ئامادەو دەستپێشخەرە بۆ ھەموو کارێکی پێکەوەیی و ھاوپەیمانی سیاسی و بەرەیی لە نێوان ھەموو ئەو پارتە سیاسیانە کە ئامانجیان ئەنجامدانی گۆڕانکاری سیاسی و کۆمەڵایەتی ریشەییە لە رێگەی چەسپاندنی حوکمی یاساو دادپەروەری کۆمەڵایەتی و گەشەپێدانی ئابووری و دژایەتی گەندەڵی”.