مەلا فرمان
لەگەڵ پەیدابونی نەوت لەم شارە، هێدی هێدی هەنگاوی ماڵ لە خانەخوێ حەرامکردن دەست پێدەکات و شاریش هەرجارەی بەدەست یەکێکەوە هاواری زیاتری لێبەرزدەبێتەوە، جارێ بەدەستی دوژمن و دراوسێکان ، جاری بەدەست نەیار و جارێ سەرانی حیزبی کوردی: １- بەردەوامدان بە سیاسەتی ٣ کوچکەی بەعسیان ” تەعریب، ترحیل و تەبعیث”، بە شێوەیەکی تر.
２- گۆڕینی سیمای شار
３- راگواستنی کورد
４- کردنی ناوچەکە بە ناوچەیەکی قەدەغەکراو. وەزارەتی مالیە و بەرگری و عەرەب لە جیاتی کوردان دەبن بە خاوەنی زەوی و زار.
５- دزی و بەتاڵانبردنی سەروەت و سامانی سەر زەوی و ژێر زەوی.
６- هەڕەشە و تیرۆرکردنی نیشتمان پەروەر و رۆشنبیرانی شار.
７- سڕینەوەی هەردو ناحیەی شوان و قەرەهەنجیر و کردنی بە سەربازگە.
８- رۆژیک هاوردنی وەزیری دەرەوەی تورکیا بۆ سەر قەڵا و رۆژێک وڵاتێکی تر.
９- لە هەموی خراپتر تێکدانی پەیوەندیە کۆمەڵایەتیاکان و بە گژیەکداکردنی پێکهاتەکانی کەرکوک. ١٩٦٣- ١٩٦٨ تاڵانکردنی گوندەکانی تەواوی ناوچەکانی کەرکوک و تەعریبکردنی گوندەکانی خوارو و رۆژئاوای کەرکوک. حەرەسی قەومی بەعسیەکان لە ١٩٦٣ دژ بە کورد بە جۆری دەستکراوەبون ” سەر بۆ حموکەت و ماڵ بۆ حەرەس قەومی”. ١٩٦٨ – ٢٠٠٣
１- تەعریب و تەرحیل و بە بەعسیکردن گەیشتە لوتکە، تەواوی گوندەکان روخێندران و خەڵکەکەی راگوێزران.
２- سنورەکە بە تەواوی کرایە ناوچەی قەدەغەکراو ( مناطق محرمة)، بو بە سەربازگە. ٢٠٠٣ – ١٦/١٠/٢٠١٧ １- کەرکوک هاوشاێوەی مناڵی ساوا هەردو پەلی کەوتە دەست پارتی و یەکێتی، تا ئێستاش هەریەک بۆ لای خۆی رایدەکێشێ.
２- زەخیرەی بەردەئاشی نێوان هەولێر و بەغدا.
３- شەری نەوت دەستی پێکرد و تاڵانی و دزی گەیشتە لوتکە.
４- کەوتە بەر هەڕەشەی داعش.
５- هەردو هێزەکانی پارتی و یەکێتی هەر یەک لە قۆڵێکەوە دەسەڵاتی کەرکوکیان گرتە دەست و بە هاوکاری هاوپەیمانان کەرکویان لە پەلاماری داعش پاراست.
６- متمانە کەوتە قەیرانەوە.
７- ریفڕاندۆم ماڵوێرانی بەدوای خۆیدا هێنا، جگە لە سەرانی پارتی و یەکێتی نە کەس خەتابارە نە ئەمەریکاش هاوشێوەی ١٩٧٥ خیانەتی لە کورد کرد. ١٦/١٠/٢٠١٧ – …….
１- هێزەکانی پارتی و یەکێتی هەڵاتن و کەرکوکیان جێهێشت.
２- سەرانی ئەم دو حیزبە کەوتنە تەخوینکردنی یەکتر. لێرەوەش خەریکن درێژە بە شەڕی کۆنەقینی جەلالی و مەلایی دەدەن.
３- سیاسەتی تەعریب سەرلەنوێ دەستی پێکردۆتەوە. ئێستای کەرکوک
１- لە گوندی پەڵکانە زیاتر لە ١٥٠ عەرەب لە دوای ١٦/١٠/٢٠١٧ هاتونەتە ئەوێ و هەڕەشە دەکەن. حکومەتی عێراق لێی بێدەنگە.
２- عەرەبێکی زۆر رویانکردۆتە گوندەکانی نێوان دوبز – کەرکوک. هەڕەشە دەکەن و لە ناو ئەو زەویانەی بەدەست کوردەوەیە خانو دروست دەکەن. ３- کوردەکان هەڕەشەیان لێدەکرێت، ئەمان بێ چەک و ئەوان چەکدار. لە دەوروبەری گوندەکانیان بە ناوی داعشەوە لوغم و تەقینەوە دادەنرێت.
４- کاکەییەکان بە هۆی کوردبون و ئایینە پیرۆزەکەیانەوە هەڕەشەی توندیان لێدەکرێت. بە کورتی لەم شارە بێ خاوەنە:
１- ئەوانەی لە ساڵانی رابردو تاڵانیان کرد و ئەم شارەیان بەم دەردە برد، ئێستا ترس چۆتە زگیانەوە و هاوشێوەی جنۆکەکەی کەڵەکچی دەرناچێ، تا ئەو رادەیەی نەوێرن باس لە خاوەندارێتی شار بکەن.
２- بەرپرس و حیزبەکانی تریش سام گرتونی. ３- دانیشتوانی ئەو گوندانەش بەدەنگی بەرز دەڵێن ” لێرە ناڕۆین، گەر هەمەر بەسەر پشتماندا بڕوات”. چارە دانیشتوانەکە، هاواردەکەن ، کەمن ئەوانەی گوێیان لێدەگرن، بەغدا و هەولێر خۆیان لێ کەڕو لاڵ و نابینا کردوە. خۆیان خەریکن، ئەوەندەی بۆیان بکرێت هەوڵی چارەسەری خۆیان دەدەن.