ستاندەر
مەولود چاوەش ئۆغڵو وەزیری دەرەوەی تورکیا ڕایدەگەیەنێت، “یەکێتی‌و بزوتنەوەی گۆڕان بەپێشنیازی ھەندێک وڵات بۆ دژایەتیکردنی پارتی دیموکراتی کوردستان‌و مەسعود بارزانی لەگەڵ پارتی کرێکارانی کوردستان (پەکەکە) ڕێککەوتن”.
چاوەش ئۆغڵو،چاوپێکەوتنێکیدا لەگەڵ ئاژانسی ئەنادۆڵ ھەروەھا رایگەیاند “ئێستا یەکێتی‌و گۆڕان باجی ئەو ھاوکاریکردنەی پەکەکە دەدەن”.
وەزیری دەرەوەی تورکیا ھەر لەو چاوپێکەوتنەدا ڕایگەیاند، “بەرپرسێکی یەکێتی لەئیستانبوڵ پێی وتم پەکەکە لەناو حزبەکەماندا بوەتە دەسەڵاتدار، ئەو فەرمانمان پێدەکات”.