راپۆرتێکی ئەمریکی زانیاری مەترسیدار لەبارەی تەعریبی کەرکوک دوای ١٦ی ئۆکتۆبەر ئاشکرادەکات

ستاندەر
بەگوێرەی ڕاپۆرتێک کە رۆژنامەی “breitbart”ی ئەمریکی دوێنێ پێنج شەممە بڵاویکردۆتەوە سەرکردایەتی شیعە لە عێراق دەستی کردووە بە پرۆسەیەکی فراوانی گۆڕانی دیموگرافی پارێزگای کەرکوک و، لەدوای ١٦ی ئۆکتۆبەرەوە لە ٥٠٠ گوندی سنوری کەرکوک پرۆسەی تەعریب و چەکدارکردنی دانیشتوانی عەرەب دەستی پێکردووە.
راپۆرتەکە کە پشتی بە زانیاری چەند چالاک و بەرپرسێکی کەرکوک بەستوە لەبەشێکی تری ھاتووە ” گێرانەوەی زیاتر ١٧٦٤٠ خێزانی عەرەب بۆ سەنتەری پارێزگای کەرکوک و ٤٠٢٤ خێزانی تر لەدەوربەری کەرکوک ھەڕەشەیەکی گەورەیە لەسەر گۆڕانی دیمۆگرافیای کەرکوک”
راپۆرتەکە ئاماژەی بۆ ئەوەش کردووە دوای ئەنجامدانی ریفراندۆم ھێزە عێراقیەکان بە رازی بونی کورد لە ھەرێمی کوردستان کە زۆرینە دەنگیان بۆ سەربەخۆیی دا گەڕانەوە ناوچە کێشەلەسەرەکان.