ستاندەر
سەرۆکی لیستی گۆڕان لە راگەیەنراوێکدا وەک یەکەم سەرۆک لیست بۆ ھەڵبژاردنەکانی ٣٠ی ٩ سەروەت و سامانەکەی ئاشکرا دەکات و ڕایدەگەیەنێت سەرجەم زانیاریەکانی لە فۆرمی دەستەی دەسپاکی بۆ ئاشکراکردنی سەروەرت و سامانی بەرپرسان خستۆتە ڕوو، ئەوە لە کاتێکدایە تاکو ئێستا ھیچ یەکێک لە سەرۆک لیستەکانى تر سامانی خۆیان ئاشکرا نەکردووە.
عەلی حەمەساڵح لەمبارەیەوە نووسیوییەتی:
خانوویەکم ھەیە لە مانگی ٣ی ٢٠١٥ کڕیومە بە ١٥٠٠٠٠$ (١٥ دەفتەر) لەھەولێر، کە١٠٠٠٠٠$ (١٠ دەفتەر) مداوەو ٥ دەفتەر قەرزارم، ئەویش بە فرۆشتنی خانوویەکی پێشتر لە گەڕەکی فەرمانبەرانی ھەولێر، کە ٢٠١٠ دروستمانکردبوو، لەگەڵ ھەندێک پاشکەوتی خێزانی (١٠دەفتەرەکەم ) دابینکرد.
ئەم خانووە بەناوی خۆم و ھیچ کەسێکم نییەو لە ئێستاش بەناو ناکرێت.
ئۆتۆمبیلێکی جۆری پرادۆ- مۆدێل ٢٠١٢.
کۆی ئەو پارانەی قەرزارم ٥ دەفتەرو ٣٥ وەرقە.
نوسیویەتیشی “دوای چوار ساڵی دیکە من ھەمان فۆڕم بڵاودەکەمەوە، ئەو کات ڕوندەبێتەوە ئێمە سەرقاڵی دژایەتی زوڵم و فەسادو نادادی و خزمەتی گشتی بووین، یان خەریکی گەندەڵی و خۆدەڵەمەندکردن بووین لەسەر حەقی گشتی وەک خەڵکی دیکە”.
عەلی حەمەساڵح ئەوەش دەڵێت: “ئەمە وەڵامی درۆو چەواشەکاری ھەندێک کەناڵ و ھێزیشە، کە دەیانوت چەندین ڤێلای لەسلێمانی ھەیە، یەک مەتر زەوی و شوقەو خانووم ھەبوو پێشکەشی ئەوان بێت”.
.jpg)
.jpg)