ستاندەر
د.شێرکۆ جەودەت سەرۆکی فراکسیۆنی یەکگرتوو لە پەرلەمانی کوردستان رایدەگەیەنێت کۆمپانیای دیلۆیت لەگەل بلاوکردنەوەی داتا و زانیاریەکانی فرۆشتنی نەوت، راپۆرتێکی تر لەبارەی کەموکوریەکان و ناتەواویەکانی پرۆسەکە ئامادە دەکات بەڵام حکومەتی هەرێم بۆ رای گشتی بلاویناکاتەوە.
ناوبراو لە پەنێلێکی رێکخراوی ستۆپ لە سلێمانی لەبارەی شەفافییەتی کەرتی نەوت وتیشی کۆمپانیا گەورەکانی نەوت و گاز لە دنیا بە دوای ئەو شوێنانە دەگەرێن کە نەزانن و نەشارەزان بۆ ئەوەی گرێبەستی قورسیان بەسەر بسەپێنن لە پێناو بەرژەوەندی خۆیان و هەرێمیش وەک زۆر شوێن دوچاری ئەو جۆرە گرێبەستانە بووە.
جێی باسە کۆتایی هەفتەی رابردوو کۆمپانیای دیلۆیت راپۆرتی چوارەمی لەبارەی نەوتی کوردستان بڵاوکردەوە.