ستاندەر
هێمن بنەسڵاوەیی ئەو پێشمەرگەیەی کە لە ساڵی ٢٠١٦ بە تۆمەتی ئەندامبونی لە بزوتنەوەی گۆڕان لە هەولێر لەلایەن هێزێکەوە نێردرا ئەو دیوی بازگەی پردێ و بە سوکایەتی پێکردنەوە سەر و برۆیان تاشی ڕایدەگەیەنێت خێزانەکەی ماوەی دوو هەفتەیە لە هەولێرە بۆ دەرهێنانی مامەلەی کارتی نیشتیمانی بەڵام کێشەیان بۆ دروستکراوە.
ناوبراو بە ستاندەری راگەیاند ئەمرۆ دوو شەممە لە ئاسایشی هەولێر بە خێزانەکەمیان گوتوە تا مێردەکەت بەردەوام بێت لەسەر زمان درێژی ئێوە لە هەولێر ناتوانن کارتی نیشتیمانی دەربهێنن. جێ ی باسە ئێستا ناوبراو لە دەرەوەی وڵاتە.
ئەو رێوشوێنە لە کاتێکدایە هێمن بنەسڵاوەیی و خێزانەکەی هیچ کێشەیەکی یاساییان نیە و بە رێگری سیاسی کارەکانیان وەستێنراوە وەک ناوبراو ئاماژەی پێکرد.
