دیوە سەربازگەییەکەی ھەولێر

لەلایەن ستاندار Posted on 350 جار بینراوە

رێبین فەتاح

ھەولێر پایتەختی سیاسییە، دامەزراوەکانی پەرلەمان و ئەنجوومەنی وەزیران و وەزارەتەکان و ئەنجوومەنی دادەوەری و چەندین دامەزراوە باڵاکانی دیکەی وەک ئەنجوومەنی ئاسایش و … ھتد لەخۆدەگرێت.

ھەبوونی دامەزراوە باڵاکان لە پایتەختدا، خۆبەخۆ زەمینەی ئەوە دەڕەخسێنێت کە شار بەھۆ یان پاساوی پاراستنی دامەزراوە باڵاکان و کارەکتەرە سیاسییەکان و میوانە تایبەتەکان، پڕ بکرێت لە ھێزی چەکدار و ئەمنی. ھەروەک بەھۆی سروشتی پایتەختەوە، چالاکییە جەماوەریی و ناڕەزایەتییەکان ھەستیارتر و کاریگەرتر دەبن، کاردانەوەکانیش لەلایەنی دەسەڵاتی سیاسییەوە بەھەمان شێوە توندتر و ڕێکخراوتر دەبن.

ئەو ھۆکارانە، لەپاڵ مەترسییەکانی تیرۆر و زیاتر بە ئامانج گرتنی پایتەخت و دامەزراوەکانی، ھێندەی تر لایەنە ئەمنییەکەی ھەولێر تۆختر دەکەنەوە.

ئەو تایبەتمەندییانە وادەکەن دەسەڵاتی سیاسی لەھەر بارودۆخێکدا ئاسانتر بتوانێت ڕێگری لە چالاکییە ناڕەزایەتییەکان لە پایتەختدا بکات. ھەم بەھۆی ئامادەیی ھێزە چەکدار و پۆلیس و ئەمنییەکان لەھەر سووچێکدا، ھەم بەپاساوی پارێزگاریی لە دامەزراوەکان و ..ئیتر.

ھەولێر ئەگەر وەک پایتەختی سیاسی لەسەرێکەوە سوودمەند دەبێت لە ھەندێک چالاکی ئابووری و بازرگانی و ھەروەک دەستڕاگەیشتنی ئاسانتری خەڵکەکەی بە ناوەندەکانی دروستکردنی بڕیار، بەراورد لەگەڵ ناوچەکانی دوور لە پایتەخت، بەڵام ئەودیوە ئەمنییەی شار، لێکەوتێکی نەرێنییە لەخودی پایتەختبوونەکەیدا.

وەڵامێک بنووسە

پۆستی ئەلیکترۆنییەکەت بڵاوناکرێتەوە. خانە پێویستەکان دەستنیشانکراون بە *

ئەم ماڵپەڕە لە ئەکیسمێت بۆ کەمکردنەوەی هەرزە واڵە و سپام سوود دەگڕێ. فێربە چۆن زانیاری بۆچونەکانت ڕێکدەخرێت.