ستاندەر
بەگوێرەی سەرچاوەیەکی نزیکی دەستگیرکراوانی دهۆک دوو لەو دەستگیرکراوانە لەکاتی لێکۆلینەوە چاویان بەستراوە و ئەوەش گومانی دروستکردووە.
سەرچاوەیەكی نزیك لە دەستگیركراوانی دهۆك بە “درەو میدیا”ی راگەیاندووە: كە لە كاتی زیندانیكردن و لێكۆڵینەوە لەگەڵیاندا ئەشكەنجەدراون و جنێو زۆریان پێدراوەو سوكایەتیان پێكراوە، هاوكات لە كاتی لێكۆڵینەوەدا لە هەریەك لە ( شێروان شێروانی و بەدەل بەرواری) چاویان بەستراوەتەوە، كە ئەمەش گومانی درووست كردووە رەنگە لەكاتی لێكۆڵینەوەكاندا میتی توركی ئامادەیی هەبوو بێت لەوێدا، بەو پێیەی تەواوی ئەو پرسیارانەی ئاراستەیانكراوە هیچی پەیوەندی بە گردبونەوەو خۆپیشاندانەكانەوە نەبووە بەڵكو تایبەت بووە بە توركیاو پەكەوە.
