ستاندەر
بەگوێرەی سەرچاوەیەکی ئاگادار کە بەستاندەری راگەیاند لە کۆبونەوەی ئەمرۆی ئەنجومەنی سەرکردایەتی بڕیاردراوە سەرجەمی بریارەکانی کۆبونەوەکەی دوێنێ ی وەفدی حیزبەکەیان لەگەل پارتی رەتکردەوە و پێیان وایە پاشەکشەی تێدابوە بەبەراورد لەگەل کۆبونەوەی ٥ی شوبات، سەرچاوەکە وتیشی یەکێتی بریارەکەی روونە کە بەبێ گەرەنتی پارێزگاری کەرکوک ھیچ ھەنگاوێک نانێن.
سەرچاوەکە وتیشی بەشێک لە ھۆکارەکانی دوورخستنەوەی وتەبێژی ئێستای یەکێتی پەیوەندی بەو کۆنگرە رۆژنامەوانیە ھەبوە کە دوێنێ بەستراو و رایگەیاند یەکێتی ئامادەیە بۆ بەشداری لە کۆبونەوەی ١٨ی ئابی پەرلەمان.
لە چەند سەرچاوەیەکی ئاگادارەوە ستاندەر زانیویەتی، لە کۆبونەوەی دوێنێی وەفدی دانوستانکاری پارتی‌و یەکێتیدا، وەفدی پارتی تەنیا بە زارەکی بەڵێنی چارەسەرکردنی کێشەی کەرکوکیان داوە، بەڵام سەرکردەکانی یەکێتی داوای بەڵێنی نوسراو دەکەن‌و ترسیان ھەیە پارتی لە دۆسیەی کەرکوکدا تۆڵەی ھەڵبژاردنی سەرۆک کۆماری عێراق (بەرھەم ساڵح)یان لێبکاتەوە کە بەبێ رێککەوتنی پێشوەختەی لایەنە کوردییەکان لە پەرلەمانی عێراق ھەڵبژێردرا.