ستاندەر
بەپێی هەواڵێکی ماڵپەڕی سکای نیوزی بەریتانی ، ئەو تیرۆریستە نیوزلاندیەی کە هێرشی کردە سەر مزگەوتێک و ٤٩ کەسی کوشت ، لە ڕابردوودا پەیوەندی هەبووە بە (ئەندرێس بێرینگ برێڤیک) ئەو کەسەی کە لە وڵاتی نەرویج نزیکەی ٨٠ خوێندکاری لە دوورگەیەکدا کوشت کە سەرجەمیان کۆچبەر بوون.
هەروەها بەپێی ڕاپۆرتی سکای نیوز ، تیرۆریستە نیوزلاندییەکە ئیلهامی ئەم کوشتارەی لە تیرۆریستە نەرویجییەکە وەرگرتووە .
هەر بەپێی هەمان سەرچاوە ، تیرۆریستە نیوزلاندییەکە وتوویەتی “من هەواداری دۆناڵد ترامپ سەرۆکی ئەمریکام و ترامپ تەنها کەسە کە شکۆمەندی سپی پێستەکان بگەڕێنێتەوە ” ، هەروەها وتووشیەتی “پێویستە موسڵمان لەسەر خاکی سپی پێستەکان بچنە دەرەوە” .
برێنتۆن هاریسۆن تارێنت ناوی تەواوی ئەو تیرۆریستە نیوزلاندییەیە کە رۆژی هەینی رابردوو دەستڕیژی چەکی کردە سەر مزگەوتێک لە نیوزلاند و ٤٩ کەسی موسڵمانی کوشت و ٧٨ کەسی تریشی بریندار کرد.