ستاندەر
له‌باره‌ی ده‌سه‌ڵاتی په‌رله‌مان بۆ لێپرسینه‌وه له سه‌رۆكی هه‌رێم پەرلەمانتارانی فراکسیۆنی پارتی و گۆڕان لێدوانی دژ بەیەک دەدەن.
عه‌بدولسه‌لام دۆڵه‌مه‌ڕی، ئه‌ندامی لیژنه‌ی یاسایی له‌په‌رله‌مانی كوردستان، ڕایگه‌یاند: په‌رله‌مان ده‌سه‌ڵاتی لێپرسینه‌وه‌ی له‌سه‌رۆكی هه‌رێم نابێت، ویلایه‌ته‌كه‌شی له‌گه‌ڵ كۆتاییهاتنی ئه‌م خوله‌ی په‌رله‌مان كۆتایی دێت.
ئه‌مه‌ش له‌كاتێكدایه، یاسین خدر، ئه‌ندامی فراكسیۆنی گۆڕان له‌په‌رله‌مانی كوردستان، راگه‌یاندبوو:” به‌پێی په‌یڕه‌وی ناوخۆ، هه‌ر كه‌سێك له‌ناو په‌رله‌مانه‌وه متمانه‌ی پێبدرێت و هه‌ڵبژێردرێت، په‌رله‌مان ده‌توانێت لێپرسینه‌وه‌ی له‌گه‌ڵدا بكات، بۆیه په‌رله‌مان ده‌توانێت لێپرسینه‌وه له‌سه‌رۆكی هه‌رێمیش بكات، ئه‌گه‌ر وانه‌بوو، ئه‌وكاته قسه‌ی خۆمان ده‌بێت”.