ستاندەر
خەسرۆ گۆران، بەرپرسی دەزگای ھەڵبژاردنی پارتی بە میدیای فەرمی حزبەکەی ڕاگەیاندووە “شاندێکی کۆمسیۆنی باڵای ھەڵبژاردنەکانی عێراق لە ھەرێمی کوردستانن و بڕیارە ئەمڕۆ دەزگای ھەڵبراژدنی پارتی دیموکراتی کوردستان لەبارەی پرسی بەڕێوەچوونی ھەڵبژاردنی ئەنجومەنی پارێزگاکانی عێراقەوە کۆ ببێتەوە و تێیدا بە وردی باس لە بەڕێوەچوونی پڕۆسەکە بکرێت.”
سەبارەت بە بەڕێوەچوونی هەڵبژاردن لە کەرکوک، ناوبراو ڕایگەیاند: “ئێمە لەگەل ئەوەدا نین ئەمساڵ ھەڵبژاردن لە کەرکووک بکرێت، چونکە ناکرێت خەڵک ئاوارە بێت و ڕەوشی کەرکووک بەو شێوەیە نائاسایی بێت، پڕۆسەی ھەڵبژاردن لەو پارێزگایە بەڕێوە بچێت، بە بڕوای ئێمە باشترە ڕەوشی کەرکووک ئاسایی بکرێتەوە، ئینجا ھەڵبژاردن لە کەرکووک بەڕێوە بچێت.”