ستاندەر
ئارێز عەبدوڵا سەرۆکی فڕاکسیۆنی یەکێتی نیشتیمانی لە ئەنجومەنی نوێنەرانی عێراق بە دەنگی ئەمریکای ڕاگەیاندووە ئەگەر پارتی کاندیدی یەکێتی بۆ پۆستی پارێزگاری کەرکوک پسند نەکات ئەوا بەدڵنیایەوە یەکێتی بەشداری حکومەت ناکات، چونکە ئەوە بڕیاری سەرکردایەتی یەکێتی یەو تاکو ئێستاش سورە لەسەر ئەو بڕیارەی.
ئارێز عەبدوڵا وتوشیەتی ئەگەر یەکێتی بەشدار نەبێت لە حکومەت ئەوا حکومەتی داهاتوو تەنها حکومەتی دوو پارێزگا دەبێت و هیچ دەسەڵاتی نابێت لە سلێمانی، کە نە پارتی و نە کاندیدی ڕاسپێردراویش بۆ سەرۆکی حکومەت ئەوەی ناوێت لەپێناو ڕەزامەندی نەدان لەسەر کاندیدی یەکێتی بۆ پۆستی پارێزگاری کەرکوک.