ستاندەر
بەڕێوەبەرایەتی پۆلیسی پارێزگای سلێمانی لە ڕاگەیاندراوێکدا بڵاوی کردەوە ، لە گوندی کانی کەوەی سەر بە ناحیەی وارماوا (زەرایەن) برایەک براکەی خۆی دەکوژێت.
لە راگەیاندراوەکەی پۆلیسی سلێمانی هاتووە ” دوێنێ شەو لە گوندی کانی کەوە سەر بە ناحیەی واراماوای قەزای شارەزوور کەسێک بە ناوی (ن ع ف) بە گوللە لەسەری براکەی خۆی دەدات بە ناوی (ه ع ف) و لە ئەنجامدا بە سەختی بریندار دەبێت “.
هەروەها لە ڕاگەیاندراوەکەدا هاتووە ” دوای ئەوەی بریندارەکە لەبەر سەختی برینەکەی دەیبەن بۆ سلێمانی بەڵام لە ڕێگەدا گیان لە دەست دەدات “.
پۆلیسی سلێمانی دەشڵێت ” دوای ڕووداوەکە دەستبەجێ پۆلیس شوێنی بکوژەکەیان دۆزییەوە و دەستگیریان کرد ، لە ئێستاشدا بەپێی مادەی ٤٠٦ لە یاسای سزادانی عێراقی لای پۆلیس دەستبەسەرە”.