ستاندەر
ئەمڕۆ دادگای سلێمانی بەتۆمەتى هەڕەشەکردن لە کەسێک فەرمانى دەستگیر کردنى بۆ سامان گەرمیانى ئەندامى سەرکردایەتى یەکێتى و به‌رپرسی مه‌ڵبه‌ندی گه‌رمیانی ئه‌و حزبه دەرکرد،
بەپێى نوسراوەکەى دادگاى سلێمانى، دادوەر بە مادەى ٤٣٠ى لەیاسای سزادانى عێراقى فەرمانى دەستگیرکردنى بۆ ئەو بەرپرسەى یەکێتى دەرکردوە.
هاوکات دادگا نوسراوێکیشى ئاراستەى فرۆکەخانەى سلێمانى کردوە بەمەبەستى جێبەجێکردنى بریارەکە ئەوەش وەک ئاماژەیەک بۆ رێگریکردن لە چونە دەرەوەى سامان گەرمیانى.
ئەمە لە کاتێکدایە پێشتریش دادگای سلیمانی بە تۆمەتی کوشتنی ڕۆژنامەنوس کاوە گەرمیانی فەرمانی دەستگیرکردنی بۆ مەحمود سەنگاوی ئەندامی مەکتەب سیاسی یەکێتی دەرکردبوو .