ستاندەر
هەفتەی رابردوو کەشتیەکی نەوت هەڵگری بەریتانیا لەلایەن یەکەیەکی دەریایی سوپای پاسدارانی ئێران لەتەنگەی هورمزدەستی بەسەرداگیرا، لەئێستادا بەگوێرەی راپۆرتێکی رۆژنامەی”تەلگراف” بەریتانیا لەئامادەکاریدایە بۆ وەڵامدانەوەی ئەم کارەی سوپای پاسداران.
رۆژنامەکە بڵاویشی کردۆتەوە چاوەرێ دەکرێت ئەمرۆ وەزیری دەروەی بەریتانیا ” جێرمی هانتی” کۆمەڵێک رێوشوێنی دیبلۆماسی و ئابوری بگرێتە بەر لەدژی ئێران، وەک سرکردنی پارەی ئێرانی لەبەریتانیا، لەدرێژەی راپۆرتی رۆژنامەکە ئاماژە بەوەدراوە ئەگەر گێرانەوەی سزاکانی پێش ٢٠١٦ ش هەیە بەسەر ئێراندا، ئێران بەهۆی ئەنجامدانی رێکەوتنی ئەتۆمی لەگەڵ وڵاتانی ئەورپا لەم سزایانە بەخشرابوو، بەڵام لەئێستادا بەهۆی توندبوونی زیاتر ئاڵٶزییەکان چاوەڕێ دەکرێت ئەم سزایانە بۆ سەر ئێران بگەرێنەوە.