ستاندەر
دکتۆر عەبدوڵڵا پەشێو شاعیری پایەبەرزی کورد لە ماڵپەڕی کەسی خۆیدا (www.pashew.com) ڕایگەیاند کە بەمزوانە دیوانێکی شیعری بڵاو دەکاتەوە بە ناوی “سەوڵم پۆڵا و کەناریش دوور”.
دکتۆر عەبدوڵڵا پەشێو لە ماڵپەڕی کەسی خۆیدا بڵاوی کردووەتەوە کە بەم زوانە دیوانێکی بڵاو دەبێتەوە، کە پێکهاتووە لە هەموو ئەو شیعرانەی کە لەنێوان ساڵانی ٢٠٠٦-٢٠١٩ نووسراون.
هەروەها ڕاشیگەیاند کە جگە لە هەندێک شیعر نەبێت کە ڕەنگە لە کاتی دیاریکراو نەنووسرابێت.
عەبدوڵڵا پەشێو لە ساڵی ١٩٤٦ لە گوندی “بێرکۆت”ی سەر بە پارێزگای هەولێر لەدایک بووە، لە ساڵی ١٩٧٣ کوردستان بەجێدەهێڵێت و بۆ خوێندن ڕوو لە یەکێتی سۆڤیەت دەکات، لە ئێستادا خاوەنی بڕوانامەی دکتۆرایە و ماوەیەک مامۆستای زانکۆ بووە لە زانکۆی تەڕابلوسی پایتەختی لیبیا، کۆی بەرهەمە شیعرییەکانی پەشیوە بریتین لە ١١ دیوانی شیعری و دوایین دیوانیشی کە وەک خۆی دەڵێ چەند ڕۆژێکی تر بڵاو دەبێتەوە ناوی “سەوڵم پۆڵا و کەناریش دوور”ە.
ب.ئ
