ستاندەر
سەر لە بەیانی ئەمڕۆ فڕۆکەیەکی هێلی ئاسمانی عێراقی کە چەند گەشتیارێکی هەرێمی کوردستانی هەڵگرتبوو لە فڕۆکەخانەی ئەنکەرا لەلایەن تیمێکی ئەمنییەوە سوکایەتی زۆریان پێکراوە و بڕیارە دیپۆرت بکرێنەوە.
ڕۆژنامەنووس کەوگاز ئەلبەحری لە پۆستێکی فەیسبووکدا رایگەیاندووە “بەیانی ئەمڕۆ فڕۆکەیەکی هێلی ئاسمانی عێراقی کە چەند گەشتیارێکی هەرێمی کوردستانی هەڵگرتبوو لە فڕۆکەخانەی نێودەوڵەتی هەولێرەوە بەرەو فڕۆکەخانی ئەنکەرا بەڕێکەوتبوو، بەڵام لە کاتی نیشتنەوەی لە فڕۆکەخانەی ئەنکەرا لەلایەن تیمێکی ئەمنی ئەوێوە گەشتیارەکان دەستبەسەر دەکرێن”.
هەروەها ڕۆژنامەنووسەکە ئەوەشی وتووە “دوای سوکایەتیەکی زۆر بە گەشتیارەکان بریارە ئەمڕۆ ئێوارە دیپۆرتی هەرێمی کوردستان بکرێنەوە”.
ئەمە لە کاتێکدایە چەند ڕۆژێک پێش ئێستا چەند گەشتیارێکی هەرێمی کوردستان لە شارێکی باکووری تورکیا لەسەر هەڵگرتنی ئاڵای کوردستان سوکایەتی زۆریان پێکرا.
ب.ئ