ماڵپەڕی گەریلا تیڤی سەر بە پارتی کرێکارانی کوردستان ڤیدیۆی نوێترین چالاکی گەریلاکانی لە فارقین-ئامەد بڵاوکردەوە.
ناوەندی چاپەمەنی و ڕاگەیاندنی هەپەگە له‌باره‌ی چالاكییه‌كه‌وه رایگەیاند “لە ٩ی مانگی ڕابردوودا لە کاتژمێر ٠٧:٢٠ی ئێوارە، گەریلاکان لە دژی یەکینەیەکی سوپای تورک چالاکییەکیان ئەنجام داوە، کە ئەرکی ئەو یەکینەیە پاراستنی بەنداوی فارقین-بووە، “کوژراو و برینداریی دووژمن هەیە، بەڵام ژمارەیان نەزاندراوە”.
ئەم جالاکییە لە کاتێکدایە هاوڵاتیانی سنووری فارقین-ئامەد چەندین جارە ناڕەزایەتی دژی دروستکردنی ئەم بەنداوەیان دەربڕیووە و پدەڵێن زیانێکی زۆر بە ژینگە و سروشتی ناوچەکەیان دەگەیەنێت، بۆیەشە سوپای تورکیا هێزی تایبەتی ناردووە بۆ پاراستنی بەنداو و کۆمپانیاکانیان.
کلیل لەسەر ئەو “گەریلا تیڤی”یەی خوارەوە بکە و ڤیدیۆکە ببینە: