حەوت پۆستە باڵەکەی گۆران تاوەکو ئێستا یەکلانەبوونەتەوە

لەلایەن ستاندار Posted on 1328 جار بینراوە 0 سەرنج
pdk gorrran

ستاندەر

بزوتنەوەی گۆران بەپێی ئەو رێکەوتنەسیاسیەی لەگەڵ پارتی دیموکراتی کوردستان ئەنجامی دابوو، ١١ پۆستی باڵای بەرکەوتەی حیزبەکەیەتی، بەڵام جگە لەوەزیرەکان بۆ پۆستە وەزارییەکان، هیچ یەک لەپۆستەکانی جێگری سەرۆکی هەرێم و یاریدەدەری سەرۆکی حوکمەت بۆ کاروباری چاکسازیی و سەرۆکی سندوقی داهاتە نەوتییەکان یەکلانەبوونەتەوە، ئەمجیا لەوچواروەکیل وەزیرەی کەبەرکەوتەی بزوتنەوەکەن لەکابینەی نۆدا.

بەپێی زانیارییەکانی ستاندەر جیا لەم پۆستانە، گۆران داوای %١٢ی سەرجەم وەزارەتەکانیش دەکات، بۆ ئەمبەستەش هەڵسوراوێکی ئەم حیزبە بەستاندەری راگەیاندووە: بەپێی رێکەوتنە سیاسییەکەمان لەگەڵ پارتی دیموکرات پێ ویستە %١٢ سەرجەم وەزارەتەکان پشکی گۆران بێت و ئەمە لەرێکەوتنەکەدا یەکلاکراوەتەوە.
دەربارەی یەکلاکردنەوەی %١٢ پشکی گۆران لەناو وەزارەتەکان سەرچاوەیەک بەستاندەری راگەیاندووە: لەم هەفتەیەدا وەڤدی دانوستانکاری گۆران دور لەچاوی کامیراکان لەگەڵ وەڤدی دانوستانکاری پارتی کۆبوونەتەوە و لەکۆبوونەوەکەدا باسی وردەکاری بەرکەوتەی گۆران لەکابینەی نۆیەمدا کراوە و پارتیش بەڵێنی جێ بەجێ کردنی رێکەوتنەسیاسییەکەی بەبزوتنەوەکە داوە..

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *