ستاندەر
بەیانی ئەمڕۆ کاروانێکى چەکوتەقەمی کە لە نزیکەى 200 بارهەڵگر پێکهاتبوون لە هەرێمی کوردستانەوە بەرەو ڕۆژئاوای کوردستان بەڕێکران.
ئاژانسی سپۆتینکی ڕوسی بڵاویکردووەتەوە “ئەو کاروانە چەکوتەقەمەنییانەی هی وڵاتە یەکگرتووەکانی ئەمریکا بوون و چوونەتە ناوچەکانى ژێر کۆنتڕۆڵی هێزەکانی سوریای دیموکرات لە باکور و ڕۆژهەڵاتی سوریا”.
ئاژانسەکە بڵاویشیکردووەتەوە “کاروانی چەکوتەقەمەنییەکان نزیکەى 200 بارهەڵگر دەبوون و ژمارە تابلۆی “هەولێر-عێراق”ـیان پێوە بووە”.
ئاژانسی سپۆتینک ئەوەشی بڵاوکردووەتەوە “چەکوتەقەمەنییەکان لە درەنگانی شەودا لە دەروازەى سێمالکای سنووری نێوان هەرێمی کوردستان و ڕۆژئاوادا ڕۆیشتوون و گەیشتوونەتە شاری قامیشلۆ”.
ب.ئ