ستاندەر
سەر لە بەیانی ئەمرۆ فڕۆکەکانی سوپای تورکیا گوندەکانی قرناقە و پشت ئاشان و زارگەلی-ان لە سنووری بناری قەندیل بۆردومان کرد.
بەیانی ئەمڕۆ فڕۆکەکانی سوپای تورکیا بە بیانووی لێدان لە بنکە و بارەگاکانی گەریلاکانی پارتی کرێکارانی کوردستان بۆردومانی چەند گوندێکی بناری قەندیلیان کرد، بە هۆیەوە ئاگرێکی زۆر لە پوش و پاوانی هاوڵاتیان کەوتەوە و چەندین رەز و باص سوتان.
سەرچاوەیەک لە بناری قەندیل بە ستاندەری راگەیاند ” ئەو بۆمبارانە هیچ بنکەیەکی پەکەکەی نەکردووەتە ئامانج تەنها بە مەبەستی زیاندان بووە لە هاوڵاتیان و گوندنشینانی ئەو دەڤەرە”.
سەرچاوەکە وتیشی ” لە ئێستادا ئاگرێکی زۆر لە پوش و پاوانی هاوڵاتیان کەوتووەتەوە و گوندنشینان سەرقالی کوژاندنەوەی ئاگرەکەن، هەروەها ئەنجامی بۆمبارانەکەش تەنها زیانی مادی گەیاندووە”.
ب.ئ