ستاندەر
لەمیانەی بڵاوکردنەوەی پەیامێکی لەتۆڕی کۆمەڵایەتی تویتەر، موقتەداسەدر سەرۆکی رەوتی سەدر پەیامێك ئاراستەی سەرۆک وەزیران عادل عەبدولمەهدی دەکات و پێی راگەیاندووە: بەردەوام بوون لەسەر ئەم سیاسەتەی ئێستا جێگای قبوڵ کردن نییە.
لەپەیامە چوارخاڵییەکەی دا سەدر تەئکیدی لەسەر پارێزگاریی کردن لەسەربەخۆیی دامودەزگاکانی دەوڵەت و روبەروبوونەوەی گەندەڵی کردۆتەوە، سەدر راشیگەیاندووە: ئاستی خزمەتگوزارییەکان لەعێراقدا زۆر سستن و پێ ویستی بەبەهێزکردن هەیە، لەکۆتایی پەیامەکەشیدا موقتەدا سەدر رایگەیاندووە: پێ ویستە پارێزگاری لەشکۆی دەوڵەت و دامەزراوە ئەمنییەکان بکرێت.
پەیامەکەی سەدر لەکاتێکدایە چەندین هەوڵ هەیە لەلایەن هێز و لایەنە عێراقییەکان بۆ دورخستنەوەی عادل عەبدولمەهدی لەپۆستی سەرۆک وەزیران.
لەبارەی هەوڵەکانی دورخستنەوەی عادل عەبدولمەهدی چاودێرانی سیاسی پێیان وایە لەئەگەری دورخستنەوەی عەبدولمەهدی لەپۆستەکەیدا کورد زەرەرمەندی یەکەم دەبێت.