ستاندەر
موقتەدا سەدڕ رێبەری رەوتی سەدر کەخاوەنداریەتی کوتلەی پەرلەمانی سائیرون دەکات پەیامێک بڵاودەکاتەوە، لەپەیامەکەیدا سەدر ئاماژەی بەوەداوە دەبێت شۆڕشگێڕان تارمایی دەستێوەردانی دەرەكی ئەمریكا و ئەوانی دیكە دوربخەنەوە، لەبەشێکی تری پەیامەکەدا موقتەدا سەدڕ داوا لەفەرمانبەران دەکات مانگرتنی گشتی رابگەیەنن، سەدر داواکاریەکیش ئاڕاستەی خۆپیشاندەران کردووە و پیی راگەیاندوون: پێویستە هێرش نەكەنە سەر نوێنەرایەتی و باڵیۆزخانەكانی ئەو وڵاتانەی كە داگیركەر نین ئەگەر بە وتنەوەی دروشمیش بێت.
پەیامەکەی سەدڕ لەکاتێکدایە هەفتەی رابردوو فرانس پرێسی فەرەنسی بڵاوی کردەوە، لایەنەسیاسیەکانی عێراق لەناویشیاندا سائیرون و فەتح و حکیم و زۆرینەی لایەنەکانی تر لەسەر مانەوەی حکومەت و عادل عەبدولمەهدی لەپۆستی سەرۆک وەزیران رێکەوتون.