شانازابراهیم ئەحمەد:هیوادارم هیچ لایه‌نێك‌ به‌ رێگریكردن له‌به‌ستنی كۆنگره‌، خۆی تووشی ڕق و غه‌زه‌بی جه‌ماوه‌ری یه‌كێتی نه‌كات

لەلایەن ستاندار Posted on 333 جار بینراوە 0 سەرنج
shamanzibrahim

ستاندەر

شاناز ابراهیم ئەحمەد لەبارەی دەنگۆی ئەگەری دواخستنی کۆنگرەی چواری یەکێتی پەیامێک بڵاو دەکاتەوە و دەڵێت: هیوادارم هیچ لایه‌نێك‌ به‌ رێگریكردن له‌ به‌ستنی كۆنگره‌، خۆی تووشی ڕق و غه‌زه‌بی جه‌ماوه‌ری یه‌كێتی نه‌كات”.

شاناز ابراهیم ئەحمەد لەپەیامەکەیدا کە بەناونیشانی “دوابزمار” بڵاوی کردۆتەوە لەپێگەی تایبەتی خۆی لەفەیسبووک دەشڵێت: لەكاتێكدا كه‌ ته‌نیا شه‌ش ڕۆژ ماوه‌ بۆ به‌ستنی كۆنگره‌، ده‌بیستین و ده‌بینین كه‌ تازه‌ به‌ تازه‌ لیژان داده‌نرێت بۆ چاره‌سه‌ركردنی هه‌ندێك كێشه‌..!!، ده‌وترێت كێشه‌كان په‌یوه‌ندیان به‌ كه‌می ژماره‌ی به‌شداربووانی ڕێكخستنه‌كانه‌وه‌ هه‌یه،‌ به‌ڵام ئه‌وه‌ی من لێی ده‌ترسم ئه‌وه‌یه‌ كه‌ مه‌سه‌له‌كه‌ ژماره‌ نه‌بێت به‌ڵكو هه‌ر هه‌مان ئه‌و كێشه‌یه‌ بێت كه‌ شه‌ش ساڵه‌ ڕێگره‌ له‌ به‌ستنی كۆنگره‌.

دەقی پەیامەکەی وەک خۆی

دووا بزمار

له‌ كاتێكدا كه‌ ته‌نیا شه‌ش رۆژ ماوه‌ بۆ به‌ستنی كۆنگره‌ ده‌بیستین و ده‌بینین كه‌ تازه‌ به‌ تازه‌ لیژان داده‌نرێت بۆ چاره‌سه‌ركردنی هه‌ندێك كێشه‌..!! ده‌وترێت كێشه‌كان په‌یوه‌ندیان به‌ كه‌می ژماره‌ی به‌شدار بووانی رێكخستنه‌كانه‌وه‌ هه‌یه‌ به‌ڵام ئه‌وه‌ی من لێی ده‌ترسم ئه‌وه‌یه‌ كه‌ مه‌سه‌له‌كه‌ ژماره‌ نه‌بێت به‌ڵكو هه‌ر هه‌مان ئه‌و كێشه‌یه‌ بێت كه‌ شه‌ش ساڵه‌ رێگره‌ له‌ به‌ستنی كۆنگره‌..!!

ده‌زانم كه‌ له‌ چه‌ند ساڵی ڕابوردوودا نادادپه‌روه‌ریه‌كی زۆر كراوه‌ به‌رامبه‌ر به‌ حزبی شه‌هیدانمان و هه‌ر ئه‌وه‌ش‌ له‌ كه‌سوكاری سه‌ربه‌رزی شه‌هیدانه‌وه‌ی تا ئه‌ندامێكی ئاسایی له‌ یه‌كێتی نیگه‌ران و بێ ئه‌مێد كرد و بڕیاره‌ له‌ مێژ چاوه‌ڕوان كراوه‌كه‌ی ئه‌نجومه‌نی سه‌ركردایه‌تی به‌ ده‌ستنیشان كردنی رۆژی كۆنگره‌ بوو كه‌ هه‌مدیس هیوایه‌كی گه‌ڕانده‌وه‌ بۆ هه‌مووان بۆیه‌ دواخستن و نه‌به‌ستنی كۆنگره‌ ئه‌مجاره‌ به‌ نادادپه‌روه‌ری له‌قه‌له‌م نادرێت به‌ ڵكو له‌ مێژودا به‌ خیانه‌ت و تاوان ده‌ناسێنرێت..!!

له‌گه‌ڵ ئه‌وه‌شدا كه‌ ئومێدێكی زۆرم به‌و لیژنه‌یه‌ هه‌یه‌ كه‌ ئاسته‌نگه‌كانی به‌رده‌م به‌ستنی كۆنگره‌ لابدات به‌ڵام له‌هه‌مان كاتیشدا خه‌م دایگرتووم ..
خه‌م له‌ دووباره‌ دواخستنی كۆنگره‌ و له‌ نائومیدكردن و سارد كردنه‌وه‌ی جۆش و خڕۆشی یه‌كێتیه‌كان، خه‌م له‌ بێ وه‌فایی به‌رامبه‌ر به‌ خوێنی شه‌هیدان و جه‌سته‌ی برینداری شه‌هیدانی زیندوو و زیندانیانی سیاسی و ئاواتی پێشمه‌رگه‌ سه‌ره‌تاییه‌كان و دڵی پڕ له‌ ئازاری كه‌سوكاری سه‌ربه‌رزی شه‌هیدان و خه‌ونی گه‌نجان و دڵی پر ئومێدی ژنان و به‌ڵێنیه‌كانی سه‌رمه‌زاری مام و چاوه‌ چاوه‌ڕوانه‌كانی داده‌ی گه‌وره‌مان و خه‌م له‌ دووباره‌ یاری كردن به‌ هه‌ست و سۆزی جه‌ماوه‌ری یه‌كێتی ..!!‌

بۆیه‌ هیوادارم هیچ لایه‌نێك‌ به‌ رێگریكردن له‌ به‌ستنی كۆنگره‌ خۆی تووشی رق و غه‌زه‌بی جه‌ماوه‌ری یه‌كێتی نه‌كات و به‌ده‌ستی خۆی دووا بزمار له‌ تابووتی خۆی نه‌دات ..

 

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *