ستاندەر
نەتەوەیەکگرتووەکان رایدەگەیەنێت هێرشی گروپە چەکدارەکانی سەربەتورکیا لەناوچەی تەلرەفعەت لەباکوری سوریا، پێشێڵکاری گەورەن بەسەر مافەکانی مرۆڤ و بەتاوانی جەنگ ناویاندەبات، رۆبەرت کۆلفیل وتەبێژی ئەنجوومەنی مافەکانی مرۆڤی سەربەنەتەوەیەکگرتووەکان رایدەگەیەنێت: ئەنجامدانی هێرش چەکداری لەلایەن گروپەچەکدارەکانی سەر بەتورکیا لەنزیک قوتابخانەیەکی سەر بەناوچەی تەلرەفعەت، کەبەهۆیەوە ١٢ منداڵ گیانیان لەدەستدا، تاوانی جەنگە.
وتەبێژەکەی ئەنجوومەنی مافەکانی مرۆڤی سەربەنەتەوەیەکگرتووەکان ڕاشیدەگەیەنێت: پێشتر و لەکاتی ڕێکەوتنی نێوان و ئەمریکا و تورکیادا لەسەر بارودۆخی باکوری سوریا(رۆژئاڤا) نەتەوە یەکگرتووەکان چەندین هێرشی هەرەمەکی تۆمارکردووە کەوا بەئۆتۆمبێلی بۆمبڕێژکراو ئەنجامدراون لەناوچەی نێشتەجێبوونی هاوڵاتیان لە حەسەکە و رەقە، “رۆبەرت کۆلفیل” دەشڵێت: ئەم هێرشانە بەهەرەمەکی ئەنجامدراون و پێچەوانەی یاسا نێودەوڵەتییەکانن و دەچنە چوارچێوەی ئەنجامدانی تاوانی جەنگ.