ستاندەر
ئەمرۆ وەفدی خانەی راپەراندنی بزوتنەوەی گۆڕان لەگەڵ مەكتەبی سیاسی پارتی دیموكراتی كوردستان لە هەولێر كۆبونەوە بۆ تاوتوێكردنی جێبەجێكردنی رێكەوتنی نێوانیان لە پێكهێنانی حكومەت.
مەحمود محەمەد وتەبێژی پارتی لەدوای كۆبونەوەكە رایگەیاند هەردوو پشتیوانی كارەكانی حكومەت دەكەن و ئەو نیگەرانیانەش كە هەنە لەسەر كاروباری حكومەت و جێبەجێكردنی رێكەوتن بە نیەت نیە بەڵكو هەولدەدرێت چارەسەر بكرێت بەشێكیشی پەیوەندی بەلایەنی سێیەم هەیە كە یەكێتیە، وتیشی هەندێك پۆست رەنگە لە كابینەی نوێ بەر گۆران بكەوێت ئێستا لای هەفالانی یەكێتیە.
هاوكات دەرباز محەمەد ئەندامی خانەی راپەراندن رایگەیاند پشتیوانی پرۆژە یاسای چاكسازی دەكەن، بەڵام پێویستە چاكسازی لە داهات و نەوت و خالە سنوریەكانیش بكرێت، وتیشی نیگەرانی ئێمە لەوەیە چاكسازیەكان بە خاوی بەرێوەدەچن و بەشێكیش لەو پۆستانەی كە بەر گۆڕان دەكەوێت پێمان نەدراوە كە چاوەرێ بووین لەچەند مانگی یەكەمی پێكهێنانی حكومەت یەكلا ببێتەوە.