اکرم خالد عبدالکریم/سید اکرم/دهوک
بەراهیکەکا داڤدوز:
بویەرێن دێروکێ دایە ئاشکراکرن، وەلاتێ ئەم تێدا، عێراقا نوکە، وەڵاتەکێ پری کێشە، پری ئالوزی، دناڤا بیڤەلەرزکەکا هزروبیرێن راچەلەکی دا ئاڤابویە و هنج هنج بویە..ئەڤان بویەر و رودانێن دێروکی کارەسات و تالانکاری و قەتلازیێن مەزن لپێ خوە ئیناندینە، پشکا شێری ژڤان کارەسات و تالانکاریان بێ شک بوینە بەهرا گەلێ کورد و ل سەر کوردستانیان دروست و پێکهاتینە..ئەم ناچینە ناڤا دێروکێ و هەلسەنگاندنا بابەتان ژی ناکەین، پرس پرسەکا نوکەیە، ئەم ل گورەی هزروبیرێن خوە دێ بەحسەکا سەرپێ ل نوکە کەین.
۱۰ رەوشا شلوق تێکچویا بەغدایێ:
۱٦ شازدە سالە بناڤ عێراق رزگار بویی، لێ رزگاری ناڤە و ناڤەروک کوشتن و مالوێرانیە، راهێلان و راڤ و رویت کرنە، ئیدارەکا بێ سەر و بێ بەر، سەرگێریەکا گەندەل و بێ ئاگەه و بێ سەروەری، شوینا حزبەکا قوماندار، سەدان حزبێن قوماندارن، شوینا سەروکەکێ دکتاتور سەدان و بکرە هەزارەها سەروکێن دکتاتور دروست بوینە، شوینا تورەکێ قاچاغ و موغلاجیان بسەدان تورێن قاچاغ و موغلاجی و قاچاغچیان دروست بوینە..ژبلی وێ خوپشاندان و سەرهلدان ل عێراقێ و بنەخاسمەیی ل بەغدایێ د کەلەکەل و ئاښتەکێ هەری بەرز دانە، بسەدان کوشتی، بدەهان هزار بریندار، بهەزارەها زیادانی و رەڤاندی..ژبلی وێ دەنگویێ دەستێواردان و پشت پشکیێ هەیە، ئەڤە ژی خالەکا دییا جهێ ل سەر راوەستیانێیە…پشتی خوەپیشاندان گەهاینە وی ئاستی و سەروک وەزیر(عادل عبدالمهدی) دەست ژکاری بەردایی، خەریکە بەندا سەروکاتی و جهگریا سەروکێ وەزیر بکەهیتن ناڤا ئالوزیەکا دییا مەزن..ل دەمەکی پەرلەمان و سەروکاتیا پەرلەمانی بوینە جهێ پسیارێ، رولێ وان کێمە و بەرەڤ نەبونێ دچیتن، ژبلی پرسا گەندەلیێ ل سەر توخ بویە…ژ سەروک کوماری دهێتن خاستن باشتر و شدایایترێ برولێ خوە رابیتن…براستی ژی رولێ وی نەگەهایە ئاستێ کوراتی و کەلەکەلا رویدانان، بمن وەر ژی ئەگەر ئاستێ شیریتکاری و بریارداریا خو بەرز و فرهەترێ بکەتن دێ کاریتن برولەکێ شایستە رابیتن…ل ڤێرە دەرفەتێن هەری مەزن بو دەستهەلات و هێزێن هەرێما کوردستانی هاتینە ، لێ مخابن رولێ وان هەم سست و خاڤە و هەم شاش و شەواتەیە.
۳. بێ دەنگیا سەرانێن هەرێما کوردستان، وەحشەکێ حەشاندی و ئافاتەکا بمەترسی ل پشتدا هەلەمورێ دکەتن:
یا راست ئەوەبێژین پشتی سەرانێن ریفراندوچی شکەستن بسەر وەلاتی دا ئینادین و ئافات پەیدا کرین..بسەرێ شکەستی و قەدەمێن خەتیرەیی برەزیل و مەلویلی چونە بەغدایێ و زێدەی سنوران خو چەماند و شەهدیی دا و گوت بەغدا پایتەتێ مەیە و داخازیا لێبورینێ کرن..ژبەرهندێ خو چەمادنا وان دێ گەلەک ڤەمینیتن و نکارن سەرێن خوە بلد بکەن.
ئەوا مەدگوتنێ ئوپوزیسیون و مە بستویێ شکەستی چەپلە بو دقوتان، درچوو هزار جاری کەمباخترێ یە، بو کورسیکێ، بو فەردێن دینارن دنرن و دئێورن..بویە دێ بێژم رەحمەت لبابێ کفن دزی…!!
لێ ئەوا چێترێ و پێترێ جهێ پرسیارێ ئەوە، سەرانێن مە، سیاسیێن مە، دەستهەلاتا مە..بتایبەتی هەلگرێن پاتێ زەر، نەهەر بێ دەنگن، بەلکی بێ دەنگن و چوینە سوباتێ..یێن دغول غولن، بنەهێنی یێن دجڤن و دشوغلن..دگەل ئەمریکا، روسیا، تورکیا..عالەما ئەوروپی و عەرەبێن خەلیجی..ئەڤ بێدەنگیە هەم بترسە و هەم ژی جهێ پرسیارێیە..!!
گەلا دوژمنکاریەک دێ بیتن ل سەرگەلێ مە ل روژئاڤا…هێلا ئوسمانیزما تورانی ژ دریا سپی تاکو خواکورک دێ دروست بیتن و خیلافەتا ئوسمانلی دێ بیتن واقع…سێ گوشەیا سونی دێ دروست بیتن…یان ژی هەلامەتەکێ دی یان دبیتن رەوشەکا دی دێ دروست بیتن…دبیتن ژی ڤێ جارێ کورد بکەنن…ببن خودان دەستکەفت…هندەکا چویی بڤەگەرهینن…بهەر حال ڤێ بێدەنگیێ پرس و فال ل دویڤدا هەنە…یا فەرە خاندنەکا لوجیکی بو بێتن کرن.