ستاندەر
کەمێک پێش ئێستا سەرۆک کۆماری عێراق دکتۆر بەرهەم نامەی دەستلەکارکێشانەوەی لە پۆستی سەرۆک کۆماری عێراق ئاڕاستەی ئەنجوەنی نوێنەرانی عێراق کرد،
بەپێی زانیاریەکانی ستاندەر،بەهۆی زۆری فشاری لایەنە سیاسیەکانی عێراق لەسەر دیاریکردنی کەسێک بۆ کاندیدکردنی بۆ پۆستی سەرۆک وەزیرانی عێراق کە دڵخوازی شەقامی عێراقی نەبێت ئەو بڕیارەی داوە،
سەرۆک کۆمار لە نامەی دەستلەکارکێشانەوەکەیدا ئامژەی بەوەکردووە،هیچ خێرێک لە پۆستێکدا نییە کە سوودی بۆ گەل نەبێت، هەربۆیە ئامادەییم بۆ دەستلەکارکێشانەوە دەخەمە بەردەست ئەندامانی ئەنجوومەنی نوێنەران لە ژێر رۆشنایی بەرپرسیارێتیان وەک نوێنەری گەل بڕیار بدەن کە چی گونجاوە. بە دڵنیایەوە، هیچ چاکەیەک لەوەدا نییە لە پێگە و پۆستێکدا بیت کە سوودی بۆ بەرژەوەندی گەل نەبێت.