مستەشارەکان چیدى وەک شەهید حیسابیان بۆ ناکرێت و ناویان لە لیستى شەهیدانى هەرێم دەردەهێنریت

لەلایەن ستاندار Posted on 402 جار بینراوە

ستاندەر

سەرۆكی لیژنەی كاروباری شەهیدان و جینۆسایدو زیندانیانی سیاسی دەڵێت:  ئەو مستەشارانەی بەناحەق پلەیان پێدراوەو ئەوانەی بەناحەق لەلیستی شەهیدانن ناوەكانیان دەردەهێنرێت.

سەوسەن محەمەد میرخان سەرۆكی لیژنەی كاروباری شەهیدان و جینۆسایدو زیندانیانی سیاسی تایبەت رایگەیاند، لەپڕۆژەكەی چاكسازی ناوی ئەو  كۆنە مستەشار و كەسانە دەردەهێنرێت و رێكدەخرێتەوە، كە بەناحەق پلەی راوێژكار و پلەی باڵایان پێدراوە.

سەبارەت بەو پرسەی، كە ئایا ناوی مستەشارەكانیش  ئەوانەی “جاشبوون” و بەناحەق كراون بەشەهید دەردەهێنرێت؟ سەوسەن محەمەد رایگەیاند، ئەوانەی بەناحەق كراون بەشەهید ئەوانیش ناوەكانیان لەلیستی شەهیدان دەردەهێنرێت و پێداچوونەوەی  پێدا دەكرێت.

چەند ساڵێكە، چەندین كەس، كە پەیوەندییان بەرێژمی پێشووی عێراق بەسەرۆكایەتی سەدام حوسێن هەبووە، لەلایەن حیزبەوە ناویان وەك شەهید، یان خانەنشین تۆماركراوەو موچە وەردەگرن.

 

سەرچاوە/شارپرێس – هێمن مامەند

وەڵامێک بنووسە

پۆستی ئەلیکترۆنییەکەت بڵاوناکرێتەوە. خانە پێویستەکان دەستنیشانکراون بە *

ئەم ماڵپەڕە لە ئەکیسمێت بۆ کەمکردنەوەی هەرزە واڵە و سپام سوود دەگڕێ. فێربە چۆن زانیاری بۆچونەکانت ڕێکدەخرێت.