ستاندەر
گۆڤاری فۆڕن پۆڵسی ئەمریکی لەڕاپۆرتێکیدا بڵاویکردۆتەوە: واشنتۆن ڕێگەنادات ئێران بەشداری لەکۆبوونەوەی گشتی ئەنجومەنی ئاسایشی نێودەوڵەتیدا بکات، بەگوێرەی زانیاریەکانی گۆڤارەئەمریکییەکە، واشنتۆن ڤیزا نادات بە” محمد جەواد زەریف” وەزیری دەرەوەی ئێران بۆ ئەمریکا بەمەبەستی بەشداری کردن لەکۆبوونەوەی گستی ئەنجومەنی ئاسایشی نێودەوڵەتیدا، کەبڕیارە رێکەوتی ٩ ئەم مانگە واتە رۆژی پێنجشەمەی داهاتوو ئەنجامبدرێت.
ئەم هەڵوێستەی ئەمریکا دوای ئەوەدێت کەپێشتر “محمد جەواد زەریف” لەکاردانەوەی کوشتنی قاسم سولەیمانی فەرماندەی فەیلەقی قودسی سوپای پاسداران لەلایەن ئەمریکاوە، هەرەشەی تۆڵەکردنەوەی کردبوو لەو وڵاتە.