ستاندەر
بە مەبەستی گفتوگۆکردن لەسەر ئاڵۆزییەکانى ناوچەکە هه‌ریه‌كە له به‌رهه‌م ساڵح سه‌رۆك كۆماری عیراق، عادل عه‌بدولمه‌هدی سه‌رۆك وه‌زیرانی كاربه‌ڕێكه‌ر، محه‌مه‌د حه‌لبورسی سه‌رۆكی په‌رله‌مانی عیراق كۆبونه‌وه. ناوەڕۆکى کۆبونەوەکە بریتی بوو لە:
له كۆبوونه‌وه‌كه‌دا جه‌ختكرایه له‌سه‌ر گرنگیی په‌له‌كردن له پێكهێنانی حكومه‌تێكی نوێ و جێبه‌جێكردنی داواكارییه‌كانی چاكسازی له زۆربه‌ی ئاسته‌كانی سیاسی و ئابوری و خزمه‌تگوزارییدا، به‌جۆرێك پارێزگاری له سه‌روه‌ریی عیراق و ئاسایشی هاووڵاتیانی بكات، له ئاست هه‌ڕه‌شه‌ی تیرۆریستاندا بێت، تاوه‌كو سه‌ركه‌وتنی یه‌كجاری به‌دیدێت. ئاماده‌بووانی كۆبوونه‌وه‌كه جه‌ختیان كرده‌وه له‌سه‌ر پێویستیی پارێزگاری له سه‌روه‌ریی نیشتیمانی و رێگریكردن له ده‌ستوه‌ردانی ده‌ره‌كی. هەروەها به‌شداربووانی كۆبوونه‌وه‌كه رێككه‌وتن له‌سه‌ر درێژه‌دان به بنه‌مای پارێزگاریكردن له به‌رژه‌وه‌ندیی عیراق و ئاسایشی سیاسی و دارایی له چوارچێوه‌ی هه‌ڵوێستێكی نیشتیمانیی هاوسه‌نگدا له‌كاتی قه‌یرانی ناوچه‌یی و نێوده‌وڵه‌تییدا، تاوه‌كو عیراق له ناكۆكییه‌كان به‌دووربگیردرێت.