ستاندەر
پەرلەمانتاری هاوپەیمانی فەتح محەمەد كەریم ڕونیکردەوە، هەناردەی رۆژانەی نەوتی هەرێم بۆ ٦٠٠ هەزار بەرمیل نەوت بەرزبووەتەوە، لە هەمانکاتیشدا لیژنەی دەستپاكی ئەنجوومەنی نوێنەران دەستی بەجوڵەكردووە بۆ راگرتنی خەرجكردنی شایستە داراییەكانی هەرێم چونکە هەولێر ئامادە نییە نەوتەكەی رادەستی بەغدا بكات. سەرەرای ئەوەی حكومەتی هەرێم پێشتر رایگەیاندبوو، لەسەرەتای ساڵی نوێوە رۆژانە ٢٥٠ هەزار بەرمیل نەوت رادەستی بەغدا دەكات، بەڵام هێشتا پابەندی ئەوە نەبووە و هیچ برە نەوتێكی رادەست نەكردووە، لەكاتێكدا هەناردەی نەوتی هەرێم رۆژانە بۆ ٦٠٠ هەزار بەرمیك بەرزبووەتەوە. لیژنەی دەستپاكی ئەنجوومەنی نوێنەران دەستی بەجوڵەكردووە بەوەی تا ئەوكاتەی هەرێم نەوتەكەی رادەست دەكات شایستە داراییەكانی هەرێمی كوردستان ببڕدرێت .