ستاندەر
محمود مەشهەدانی سەرۆکی پێشوی ئەنجومەنی نوێنەرانی عێراق ئاشکرایدەکات کە محمد تۆفیق عەلاوی کاندیدی ڕاسپێردراو بۆ تەشکیلکردنی کابینەی نوێ ناوی ۲۲ کاندید و نزیکەی ٦۰ بەدیلیشی ئامادەکردوە بۆ ئەوەی متمانەی پەڕلەمان بۆ کابینەکەی بەدەست بێنێت.
ناوبراو وتوشیەتی ژمارەی ئەندامانی ئەنجومەنی نوێنەران ئەوانەی بڕیاریان داوە پاڵپشتی کابینەکەی عەلاوی بکەن لەزیادبوون دایەوە لەئێستادا گەیشتۆتە ۱۷۰ پەڕلەمانتار لەکاتێکدا ژمارەی نەیارەکانی نزیکەی ۱٥٨ پەڕلەمانتارە و لەکەمبونەوەش دایە.
ئەوە لەکاتێکدایە لە هەندێ پێگەی ڕاگەیاندن وابڵاوکراوەتە کە عەلاوی دەیەوێت کابینە وزاریەکەی بەشێوەیەکی نهێنی و دور لەچاوی ڕاگەیاندنەکان پێشکەشی پەڕلەمان بکات بۆ ئەوەی پەڕلەمانتاران لە کەشێکی ئارامدا دەنگ لەسەر کابینە وزاریەکەی عەلاوی بدەن.