ستاندەر
ئێوارەی دوێنێ وەفدێکی هاوبەشی کوردی، کە وادیارە کۆتایی بەکارەکانی گڕووپی 15 دێنێت گەیشتـتنە بەغداو، لەگەڵ بەیتی شیعی کۆبوونەوە. وا بڕیارە ئەمڕۆش، لەگەڵ:محمد تۆفیق عەلاوی و بەرهەم ساڵح دا کۆببنەوە.
کۆبوونەوەکان تایبەتن بە دابەشکردنی پۆستەکانی حکوومەتی نوێی عێڕاق و داواش دەکەن، کە لە پشکی کورد کاندیدی سەربەخۆ دانەنرێت و حزبەکان کاندید دیاری بکەن.
ئەندامێکى ئەو وەفدە بەناوى محەمەد سەعدەدین ڕایگەیاندووە، ھەرێمی کوردستان مەرجی بەشداریکردنی لە کابینەکەی عەلاوی داوەتە لایەنە سیاسییەکانی عێراق و مەرجی ھەرێمی کوردستان ئەوە بووە خۆی کاندیدەکان دیاری بکات و بودجە مووچەی فەرمانبەران پەسەند بکرێت و کێشەکانی دیکەش وەک کێشەی ناوچە کوردستانییەکان چارسەر بکرێن.