ستاندەر
جەمال کۆچەر، ئەندامى شاندى حزبە کوردستانییەکان ،بۆ دانوستان لەگەڵ محمد تۆفیق عەلاوی ئاشکرایدەکات، بژاردەى بایکۆتکردنی کابینەکەی عەلاوی قورسە، چونکە بارودۆخى دارایی هەرێم بەرگەى پاشەکەوتێکى دیکە ناگرێت،
ئەو ئەندامەی شاندی حزبە کوردستانیەکان بە پێگەی ناس کوردوی ڕاگەیاندووە،لە کۆبونەوەی سەرۆکایەتی هەرێم باسى سێ بژاردە کرا کە لەکۆتاییدا دوو بژاردە دەمێننەوە، بژارەى ناڕازیبوون و داواى گۆڕانکاری، چونە ناو حکومەت و کردنى داواکارییەکان بە فەرمى، گرتنەبەرى هەڵوێستى هاوشێوەى مالیکى کە ڕازى نییە بەم حکومەتە بەڵام دژایەتیشى ناکات و ناچێتە ناوییەوە،
جەمال کۆچەر هەروەها ووتیشی،بۆ ئێمە وەک کورد بژاردەى سێیەم قابیلى قبوڵ نییە، چونکە ئێمە مافمان هەیە، دوو بژاردەکەى دیکە دەمێنێتەوە کە دەبێت یەکێکیان هەڵبژێردرێت،لەناو ئەو دوو بژاردەیەشدا بژاردەى بایکۆت قورسە، چونکە بارودۆخى دارایی هەرێم بەرگەى پاشەکەوتێکى دیکە ناگرێت، ئەوەى دەمێنێتەوە گەرەنتیکردنى داواکارییەکانە بەتایبەت کە عەلاوى بەڵێنیداوە بە پابەندبوون بە ناردنى موچە و بودجە و ڕێککەوتنى هەرێم و بەغداوە.