ستاندەر
لەڕۆژی جیهانی خۆشگوزەرانی کە ۲۰ی ۳ی هەموو ساڵێکە، لەو ڕۆژەدا فنلەندا ڕیزبەندی خۆشگوزەرانترین وڵاتانی جیهان بڵاودەکاتەوە، کە بەپێی ڕیزبەندی ساڵانەی نەتەوە یەکگرتووەکان دیاریکراوە و لەکۆی ۱٥۳ وڵات عێراق و هەرێمی کوردستان لە ڕیزبەندی ۱۱۰مین دێت لەڕوی خۆشگوزەرانی بۆ ژیان.
لە ڕیزبەندیەکە کە لەسەر بنەمای داهاتی تاک و پاڵپشتی و تەندروستی و ئازادی و ڕێزگرتن و نەبوونی گەندەڵی دیاریکراوە فنلەندا لە پلەی یەکەم دێت و باشوری سودان و ئەفغانستانیش لە پلەی پێش کۆتایی و کۆتایی ڕیزبەندیەکە دێن.
ئەوە لەکاتێکدایە بەهۆی بارودۆخی خراپی ئابووری و نەبوونی یەکسانی و ڕێزگرتن لە هاوڵاتیان ساڵانە بە هەزاران هاوڵاتی هەرێمی کوردستان و عێراق بە هیوای گەیشتن بە ژیانێکی خۆشتر و خۆشگوزەرانی ڕوو لە وڵاتانی ئەوڕوپا دەکەن و بەشێکیشیان ناگەن بە خەونەکانیان و لە ڕێگە لە ئاواکاندا دەخنکێن، کە ئەوەش نیشانەیەکی ڕوونی نەبوونی خۆشگوزەرانیە لەو وڵاتە و هەرێمی کوردستان.