نهێنی سێ داواكاری ئەمریكیەكان لە سەرۆك وەزیرانی راسپێردراوی نوێی عێراق

لەلایەن ستاندار Posted on 3623 جار بینراوە 0 سەرنج
adnan

ستاندەر

بەپێی چەند سەرچاوەیەك لەسەرۆكایەتی كۆمار،  كە شارپرێس بڵاویكردۆتەوە، بەرهەم ساڵح لەكاتی راسپاردنیدا چەند داواكارییەكی واشنتۆنی گەیاندووەتە عەدنان زورفی سەرۆك وەزیرانی راسپێردراوی عێراق،  بەشێوەیەك  بتوانێت ئەو داواكارییانە جێبەجێبكات ئەوە لەلایەن ئەمەریكییەكانەوە پشتیوانییەكی گەورەی لێدەكرێت، كە بەپێی قسەی ئەو سەرچاوانە داواكارییەكان لەسی تەوەردا خۆیان دەبیننەوە، كە ئەوانیش بریتین لە:

یەكەم لەقاڵبدانی رۆڵی حەشدی شەعبی و دوورخستنەوەی لە بڕیاری سیاسی عێراقی.

دووەم دوورخستنەوەی كاریگەری ئێران و خۆخزاندنە ناو ژیانی سیاسی و ئابووری عێراق، ئەویش لەڕێگای دانوستانی راستەوخۆ و راشكاوانە لەگەڵ ئێرانییەكان لەبارەی ئەو دۆسییەیە.

سێیەم كرانەوەی عێراق بەڕووی ژینگە عەرەبی و هەرێمایەتییەكەی دوور لە هەڕەشە و گوشارەكانی ئێران .

لەكاتێكدا هێزە سیاسییە شیعییە دەسترۆیشتووەكان داوا لەسەرۆك كۆمار دەكەن راسپاردنی زورفی بكێشێتەوە، لەبەرانبەردا ئەو بەردەوامە لە هەوڵەكانی بۆ كۆكردنەوەی پشتیوانی لە زورفی تا لە پەرلەماندا متمانە بە كابینەكەی بدرێت.

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *