دوای یەكەم سەردانی جێگرەی قاسم سلێمانی ململانێی ئێران و ئەمریكا توندتر دەبێت

لەلایەن ستاندار Posted on 3621 جار بینراوە 0 سەرنج
23120201_110615879_6c9f7b33-47e8-462e-ba2c-e82780d95bc3

 

ستاندەر

دوێنێ چوارشەممە ئیسماعیل قائانیی فەرماندەی فەیلەقی قودس لە سوپای پاسدارانی ئێران، دوای دانانی وەك جێگرەوەی قاسم سلێمانی، بۆیەكەمجار بەفەرمی سەردانی عێراقی كرد، بەگوێرەی سەرچاوەی میدیاییەكان ناوبراو لەگەل هادی عامری و نوری مالیكی و عەمار حەكیم كۆبونەوەی كردوە، تیایدا گفتوگۆ لەبارەی دانانی جێگرەوەیەك بۆ عەدنان زورفی كاندیدی راسپێردراو بۆ سەرۆك وەزیرانی عێراق كراوە، بەگوێرەی هەندێ سەرچاوە موقتەدا سەدر نەیویستوە ناوبراو ببینێ و رایگەیاندوە پرسی دانانی سەرۆك وەزیران بابەتێكی ناوخۆییە، تا ئێستا نازانرێ ئەنجامی دانیشتنەكان بە چ ئاراستەیەك رۆیشتوون.

دوای كۆبونەوەكە قائانیی لەژێر چاودێریەكی چڕ بە سێ ئۆتۆمیل بەرەو فرۆكەخانە بەرێكەوتوە.

جێی باسە هەر دوێنێ دۆنالد ترەمپ لە پەراوێزی ئەو سەردانەی فەرماندەی سوپاس قودسی ئێران، رایگەیاندووە ئێران و هێزە پاشكۆكانی لە عێراق پیلان دژی ئەمریكا دادەرێژن و هەر هەنگاوێك بنێن خۆیان بەرپرسیاریەتی قورسی لە ئەستۆ دەگرن

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *