ستاندەر
پەیامنێری ستاندەر لەبارەی رووداوی بۆردومانەكەی فرۆكەی توركی لە زینی وەرتێ زانیاری نوێ و پشتراستكراوەی راگەیاند بەشێوەیەك لە روداوی بۆردومانەكە كە نزیكی بارەگایەكی پەكەكەی گرتبو سێ كەس بونە قوربانی كە دووانیان شەهید بوە و سێیەمیش بریندار بووە.
پەیامنێری ستاندەر وتیشی:” سەر لەبەیانی ئەمرۆ وەفدێكی وەزارەتی پیشمەرگە لە هەولێرەوە چۆتە ناوچەكە و ماوەیەك لەوێ ماونەتەوە، كە گومان كراوە چەند كەسێكی سەربازی توركیاش لەگەل وەفدەكە بن، بۆیە فەرماندەكانی پێشمەرگەی سەر بەیەكێتی بەگومانەوە پرسیویانە كە ئەو كەسانە توركن لە وەڵامدرا پێیان وتراوە نەخێر”.
وتیشی:” بە ماوەیەك بەر لە رووداوەكە ئەو وەفدەی وەزارەتی پێشمەرگە شوێنەكەیان چۆڵ كردووە و گەراونەتەوە هەولێر”.