ستاندەر
ریاز تەمیمی پەرلەمانتاری هاوپەیمانی نەسری سەر بە حەیدەر عەبادی رایدەگەیەنێت داوامان كردووە هیچ وەزیرێكی كابینەكەی عادل عەبدولمەهدی دانەنرێتەوە.
وتیشی سەرەرای ئەوەی دەزانین بەشێك لە وەزیرەكان سەركەوتوو بونە بەڵام پێویستە كابینەكەی كازمی بەتەواوی كابینەیەكی نوێ بێت.
ئەو هەولە لەكاتێكدایە بەگوێرەی چەند سەرچاوەیەك (پ.د.ك) ویستی ئەوەی دەربریوە كە فوئاد حوسێن وەزیری دارایی عێراق لە پۆستەكەی بمێنێتەوە لەكابینەی نوێ گۆرانكاری تێدانەكرێت، بەڵام ئاراستەی گفتوگۆكان بەو شێوەیەن كە لە كابینەی نوێ وەزیرەكان نوێ بن، بۆ یەكلاكردنەوەی گفتوگۆكانیش هێشتا بە فەرمی كازمی لەگەل لایەنە كوردستانیەكان لەو روەوە قسەی نەكردووە.