ستاندەر
فازل جابر، ئەندامی ئەنجومەنی نوێنەرانی عێراق لە فراكسیۆنی فەتح رایدەگەیەنێت رێكەوتنێك لەنێوان سەرۆكی كوتلەكانی ئەنجومەنی نوێنەرانی عێراق دروستبوە كە بەهیچ شێوەیەك رێگا بە د.فوئاد حوسێن نەدرێت دەنگی پێبدرێت بۆ وەرگرتنی پۆستی وەزیری دەرەوەی عێراق، وتیشی ئەو پەیامە نێردراوە بۆ كورد كە پێداگری لەسەر دانانی فوئاد حوسێن نەكات چونكە دەنگ ناهێنێت.
فازل جەبر راشیگەیاند ئەو بریارە لە چوارچێوەی ئەو هەوڵەیە كە رێگری كرتنە لەوەی هیچ وەزیرێكی پێشوو بەتایبەت لە كابینەكەی عادل عەبدولمەهدی جارێكی تر پۆستی وەزیری وەربگرن.
جێی باسە ئاراستەكان بۆ ئەوە دەچن كە لەژێر فشاردا كاندیدی وەزیری دەرەوە بە كەسێكی تر بگۆردرێت لەلایەن پارتیەوە.