ستاندەر
عەلی حوسێن، ئەندامی سەركردایەتی پارتی وەڵامی فەرید ئەسەرد دەداتەوە و رایدەگەیەنێت یەك مەرجەعمان هەیە ئەویش ماڵی بارزانە.
لە بارەی هەبونی بۆچونی جیاواز لەناو پارتی رایدەگەیەنێت:” ئێمە حیزبێكی دیموكراتین ئاساییە لەناوخۆی سەركردایەتی و مەكتەب سیاسی بۆچوونی جیاوازمان هەبێت: بەڵام پارتی لەو حیزبە كوردییانەیە هیچ باڵ و ئاڕاستە و گروپێكی جیاوازمان نییە یەك “مەرجەع-مان” هەیە ئەیش (ماڵی بارزان) و جەنابی سەرۆك مەسعود بارزانی-یە.
لە دیدارێكی رۆژنامەوانی عەلی حوسێن رایگەیاندووە: هۆكاری كۆنەبوونەوەی پارتی و یەكێتی ئەوەیە سەركردایەتی یەكێتی نوێیە، ئەگەرنا هۆكاری تری جەوهەری نییە.
دەشڵێت: سەركردایەتی نوێی یەكێتی پێویستیان بە ئەزموونی نوێ هەیە بۆ شێوەی مامەڵەكردن لەگەڵ پارتی، بێگومان سەركردایەتی نوێی یەكێتی لە سەرەتای “تەعریفی” خۆیاندان و بەرنامەی خۆیان بۆ ئەو خەڵكانە هەیە كە چەند ساڵێكە لەیەكێتی دابڕوان.