ستاندەر
مستەفا كازمی سەرۆك وەزیرانی نوێی عێراق پلانێكی نوێی بەدەستەوەیەك بۆ روبەروبونەوەی داعش ئەویش بەپشت بەستن بەپێشمەرگە.
بەگوێرەی راپۆرتێكی عەرەبی جەدید، مستەفا كازمی بۆ چارەسەركردنی ئەو بۆشاییە ئەمنیانەی كە لەناوچە كێشەلەسەرەكان دروستبوە دەیەوێت پشت بەهێزەكانی پێشمەرگە ببەستێت و مەترسیەكانی گروپە چەكدارەكان لەو ناوچانە بڕەوێننەوە.
بەبۆچونی مستەفا كازمی ناكۆكی نێوان هەرێم و بەغدا لەروی سەربازی وای كردوە گروپەكانی داعش دۆخەكە بۆ خۆبەهێزكردن بقۆزنەوە.
پێشتر وەزارەتی پێشمەرگە بۆچارەسەركردنی ئەو بۆشاییە ئەمنیە پێشنیاری بۆ بەغدا كردبو كە هێزێكی هاوبەشی سوپا و پێشمەرگە لەو ناوچانە دروستبكرێت بەڵام لەلایەن بەغدا رەتكرایەوە.
لەگەل دەستێكی كابینەی نوێی عێراق، گفتوگۆكانی نێوان وەزارەتی بەرگری و پێشمەرگە بۆ چارەسەركردنی ئەو بۆشاییە ئەمنیانەی ناوچە كێشەلەسەرەكان دەستی پێكردۆتەوە.