ستاندەر
ناوەندی سیبار بۆ شیكاری و بەرێوەبردنی چاوەروانیەكان رایدەگەیەنێت مامەلەی ئێستای حكومەتی هەرێم بەو شێوەیە وای كردووە نرخی نەوتی عێراقی دابەزێت.
ناوەندەكە لە توێژینەوەیەكدا رایگەیاندووە سیاسیەتی نەوتی ئێستای نێوان هەرێم و بەغدا زیانێكی زۆری بەعێراق گەیاندوە لە روی گرێبەستی نەوت و بەرهەم هێنان و بە بازاركردن.
لەبەشێكی تری توێژینەوەكە هاتووە بری بەرهەم و فرۆشی نەوتی هەرێم بۆ عێراق ئێستا روون نیە، زۆربەی جارەكانیش لەو ژمارەیە زیاترە كە حكومەتی هەرێم دەیخاتە روو، ئەوەش وای كردووە وردی لەو ژمارەیە نەبێت كە عێراق دەیدات بە ئۆپێك و پێگەی عێراق بەرامبەر بە ئۆپێك لاواز كردوە.
ئەوەشی تێدا هاتوە نەبونی سیاسەتێكی هاوبەشی بە بازاركردنی نەوت لە نێوان عێراق و هەرێم كاریگەری خراپی لەسەر نرخی نەوتی هەرێم لە بازارە نێودەولەتیەكان دروستكردووە.