ستاندەر
بەرپرسێكی كۆمەڵی ئیسلامی رایدەگەیەنیت لە هەرێمی كوردستانەوە هەواڵ بە وڵاتانی دەورورەبەر دەدرێت.
عەبدولستار مەجید، سەرۆكی فراكسیۆنی كۆمەڵی ئیسلامی رایدەگەیەنێت:” کارەساتی گەورە ئەوەیە کە ئەمڕۆ بەرپرسێکی هەواڵگری یەکێک لەو وڵاتانەی دراوسێ دەڵێت لە سلێمانی و هەولێر و دهۆک بنکەی زۆرمان هەیە و خەڵکێکیش بەردەوام هەواڵمان پێدەدات “.
وتیشی:” ئەمە ئاماژەیەکی خەتەرناکە و هەرێمی کوردستان دەکاتە میدانی تەراتێنی دەزگا هەواڵگرییەکان و خەڵکێکیش بەهۆی خراپی گوزەران و قورسی ژیان و برسێتی و بێکارییەوە دەکاتە سیخوڕ بەسەر میللەتەکەی خۆیەوە” .
عەبدولستار مەجید راشیگەیاندووە:” ئەمە پێشهاتێکی تا بڵێی خەتەرناکە و ئەگەر هەرچی زووە هەولێر و بەغدا بەری پێ نەگرن، لە نزیکترین داهاتوودا شتێک بەناوی سنور و سەروەری و قەوارەی دەستوریی و ئەو شتانە بوونی نامێنێ و میللەتەکەمان لە ژێر ئاگری کۆپتەری بێگانە و تەاتێن و شەڕە قۆچی سیخوڕ و دەزگا هەواڵگرییەکاندا دەبنە سوتماکی شەڕێک کە نە ئاگای لێیەتی نە دەستی تیایەتی”.