ستاندەر
ئەندامێكی سەركردایەتی بزوتنەوەی ئیسلامی رەخنە لە بەشێكی پەرلەمانتارانی كورد لە بەغدا دەگرێت كە تەنها رەخنە لە هەرێم دەگرن و ئاگایان لە گەندەلیەكانی عێراق نیە و بەعێراقچیش ناویان دەهێنێت، بەبێ ئەوەی دیاری بكات مەبەستی كامە پەرلەمانتارانەن.
حەسەن شێخانی، ئەندامی مەکتەبی سەرکردایەتیی بزوتنەوەی ئیسلامیی کوردستان بە ئاژانسی باسنیوزی راگەیاندوە: “هەندێك پەرلەمانتاری کوردی عێراقچیمان هەیە، ئایا ئاگایان لە گەندەڵییەکانی عێراق هەیە؟ چونکە کە نە لێدوان یان بەدواداچوون بۆ کەیسەکانی گەندەڵیی عێراق ناکەن، تەنانەت یەك پۆستی تۆڕە كۆمەڵایەتییەكانیشیان لەسەر گەندەڵییەكانی ئەوێ نییە“.
دەشلێت ”ئەو جۆرە پەرلەمانتارانە هەر بۆ ئەوە چوونەتە بەغدا، ڕەخنە لە هەرێمی کوردستان بگرن کە ئەوەش بە خزمەتی نەیارانی کورد دەشكێتەوە.